انا شايفة انها حلقة جميلة تشويقية وان المخرجه نجحت ف انها تخلق احداث غير متوقعه ( احنا كنا متوقعين ان سعيد هيشوف الرسالة ) لو كان سعيد شافها كنا هنتوقع قتله لبيترو يعنى تقريبا هتبقى حلقة محروقة لكن هى كده شوقتنا للحلقة الأخيرة اللى ماحدش فينا يقدر يتوقع اى حاجة فيها وخصوصا ان شورى قطعت الجواب وانا واثقة انها هتبقى حلقة جامدة
ثانيا خلتنا نشوف سعيد وشورى متجمعين من جديد ولو ف مشهدين صغيرين وان كل واحد فيهم مانسيش التانى وان سعيد دايما معاها بقلبه وده ظهر ف مشهد موت والدتها واختها حب هو اللى يديها الجواب حتى عند الفراق كان سعيد جنبها... احترامه لمراته كان ظاهر جدا بأنه مارضيش يبقى موجود لغاية ماتفوق ( تم توضيحه ف مشهده مع جليل ) وحتى لما ودعها كانت مورفت هى اللى سمحتله بكده .
كنا متوقعين ان بيترو هيقتل عالية لكن المخرجه كسرت كل التوقعات بإنها خلت عالية تقول الحقيقة لشورى
وبالنسبة للناس اللى بتهاجم المسلسل عشان سعيد ماتجوزش شورى وسابها تسافر ..دى رواية وبتنفذها المخرجه يعنى ماينفعش تلعب ف الحقائق غير بأحداث درامية جانبية لكن اساسيات الرواية لو لعبت فيها هتتعرض لنقض
#Dolla Nooda
الموضوع :
الرأي والرأي الآخر | رأي جميل جدا و يحترم و يحتاج القراءه - مسلسل سعيد وشورى
تقييم :
10
من 10
مرتكز على
24 تقييم
لا توجد تعليقات